Footer

Drug personality, napaltogan, naikras iti dump truck

STO. DOMINGO, Ilocos Sur – Maysa a mapapati a drug personality ti natay kalpasan a dinungpar ti motorsiklona ti maysa a dump truck iti national highway a nagbeddengan ti Barangay San Pablo ken Barangay Vacunero ditoy nga ili idi agarup alas 2:40 ti malem ti Agosto 18.

Natay ni Odon Quilala y Canarias, 36, naasawaan, residente iti Barangay Caronoan, San Juan, Ilocos idi dinungparna ti Isuzu truck a minaneho ni Antonio Madriaga y Madriaga, 61, balo, residente iti Barangay Tay-ac, Bantay, Ilocos Sur.

Segun iti report, napaltogan ni Quilala iti Sitio Parada, Barangay Napo, Magsingal, Ilocos Sur ngem mapapati nga inkagumaanna nga itaray ti bagina iti ospital idi maidungparna ti luganna iti dump truck.

Madama ti inbestigasion no asino ti nangpaltog ken ni Quilala.#

Comments are closed.