Footer

Nagkalap iti fish sanctuary, natiliw

SANTIAGO, Ilocos Sur – Innem a mangngalap ti tiniliw dagiti polis bayat ti panagkalapda iti fish sanctuary a sakup ti Barangay Butol ditoy nga ili idi rabii ti Agosto 11, 2010.

Nainaganan dagiti natiliw a da Rey Bareto y Gaoat, 39, naasawaan; Romeo Marcos y Valdez, 34, naasawaan; Elmer Javier y Jimenez, 36, naasawaan; Edgar Gacas y Abuan, 21, baro; Gerald Ramos y Gaoat, 33, naasawaan; ken Floro Gaoat y Caranza, 45, naasawaan, agpapada amin a residente iti Barangay Dan-ar, Santiago, Ilocos Sur.

Nagresponde dagiti polis kalpasan a nakaawatda iti mensahe manipud iti selpon ni Bantay Dagat Officer Alfredo E. Gabuat, Jr., ket akto a natiliwda dagiti mangngalap nga agkalkalap iti fish sanctuary.#

Comments are closed.