Footer

3 masuspetsa a drug personality, nakasuan iti panaglabsing iti RA 9165

CANDON CITY – Naipilan iti kaso a panaglabsing iti RA 9165 dagiti tallo a drug personality a nasukisok a nagsisina ti pagtaenganda iti Barangay Bagani Tocgo ditoy siudad iti malem ti Agosto 20, ken iti Barangay Otol Patac, San Ildefonso ken iti Poblacion Sur, Santiago, Ilocos Sur idi Agosto 17.

Ditoy siudad, nakakumpiska ti nagtipon a bunggoy ti polis ditoy ken ti PDEA-ISSET nga indauluan ni PCI Joseph A.Fajardo, Jr. babaen ti superbision ni Candon COP Police Supt. Marlo A. Castillo iti balay ni Elmer Galus y Tocquia, 49, residente iti Bagani Tocgo, iti lima a heat sealed plastic sachet a mapapati a naglaon iti shabu, 21 pedaso a naluktan a plastic sachet a naglaon iti mapapati a shabu residues, 7 nga improvised lighter, maysa a pouch a naglaon iti 30 a nalukot nga aluminum foils a mapapati nga adda shabu residues, maysa nga improvised pipe, 4 improvised needle, maysa a pakete ti sigarilio a nagalon iti awan naggianna a plastic sachet, 3  a sag-P500, maysa nga improvised nga aluminum roller ken 5 nga improvised scoop.

Kabayatanna, naidatag metten iti provincial prosecutor’s office ti kaso a panaglabsing iti RA 9165 maikontra  ken ni Diony Espejo, 19, baro, residente iti Barangay Otol, Patac, San Ildefonso, Ilocos Sur ken Louie Dugue y Cursino, naasawaan, barangay kagawad ti Poblacion Sur, Santiago, Ilocos Sur.

Pinag-ot ti nagtipon a bunggoy ti PAIDSOTIG, PDEA RO1 ken San Ildefonso Police nga indauluan da Police C/Inspector Greg T. Guerrero, Police Senior Inspector Alexander C. Aurelio ken Police Inspector Mariano Tabboga ti lima a fully grown a mula a marihuana, 2 a puon ti marihuana ken nakakumpiskada iti maysa a rolling paper a mapattapatta nga agpateg iti P1,000.

Nakakumpiska met ti nagtipon a bunggoy ti PIADSOTG, PDEA, ISPPSC, RIO ken PNP Santiago iti panangidaulo ni PCI Greg Guerrero, iti pagtaengan ni Duque iti dua a plastic sachet a naglaon iti mapapati a shabu.

Imet dagiti nagsukisok ti  search warrants a pinirmaan ni Judge Francisco A. Ante, Jr. ti MTCC, Vigan City idi napanda nagsukisok iti balay ni Galus, Espejo ken Duque.#

Comments are closed.