Footer

Nangtakaw iti kuarta, selpon ti ahente ti agas, nakasuan

VIGAN CITY – Naipilaan iti kaso iti city prosecutor’s office ditoy ti suspek a nangtakaw iti selpon ken petaka ti maysa nga ahente ti agas idi Agosto 17, 2010.

Napilaan iti kaso a robbery ni Salino Arellano y Wakit, 17, awanan panggedan, residente iti Barangay III ditoy siudad iti babaen ti docket NPS No. 1-14-INQ-10H-00027.

Naaresto iti follow-up operation dagiti polis ditoy siudad ni Arellano kalpasan a sinerrekna idi agarup 4:17 ti parbangon ti Agosto 17 ti pagkaseraan ni Ronald Allan Rodrigo Pandaroan, 30, naasawaan, residente iti Barangay X, San Nicolas, Ilocos Norte sana tinakaw ti petaka ti biktima a naglaon iti credit card, fleet card, P3,750 ken maysa a selpon a Nokia 2100.#