Footer

66 polis, nagsanay iti reproductive health awareness

SAN FERNANDO CITY – Innem a pulo ket innem a polis ti police regional office 1 ti nakipartisipar iti Reproductive Health Awareness Seminar a naisayangkat iti Concord building ti Camp BGen Oscar M. Florendo ditoy idi Agosto 25.

Naggapu dagiti nakipartisipar a 34 a babbai ken 32 a lallaki manipud iti nadumaduma a dibision ti PRO1, National Support Units ken ti 1st Regional Public Safety Battalion.

Ni Dr. Melinda Olarte-Javillonar, obstetrician-gynecologist ti La Union Medical Center iti Agoo, ti naglektiur mainaig iti prostrate cancer, cervical cancer ken colon cancer.

Kinuna ni PRO1 regional director Police Chief Supt. Orlando M. Mabutas a napateg ti health awareness nangruna kadagiti police personnel gapu iti kita ti trabahoda.#

Comments are closed.