Footer

Lakay, nabagsol gapu iti dati a susik

CERVANTES, Ilocos Sur – Dati a susik ti gapu ti nakabagsolan ti maysa a lakay iti Barangay Concepcion ditoy nga ili itay nabiit.

Iti report ti polis, binagsol ni Nicanor Jines, y Garcia, 52, naasawaan, residente iti nadakamat a barangay, ni Americo Leiza y Pascua, 66, naasawaan, kalugaranna a puon ti nakaiyospitalan daytoy iti Bessang Pass Memorial Hospital ditoy nga ili.

Naammuan iti inbestigasion nga adda ni Leiza iti balayda idi simmangpet ti suspek ket binagsolna ti biktima iti sumagmamano a daras.

Kinamat dagiti polis ti suspek sada inaresto.#