Footer

Nakaruar iti July 2010 Nurses Licensure Examination, naiwaragawag

BAGUIO CITY – Iti kadagupan a 91,008 nga examinees, 37,679 wenno 41.40% dagiti nakaruar iti July 2010 Nurses Licensure Examination, daytoy ti inwaragawag ti Professional Regulation Commission (PRC)  ken ti Board of Nursing itay nabiit.

Iti Baguio City, 2,774 manipud iti 7,125 wenno 38.93% a nageksamen ti nakaruar. Iti La Union, 1,417 manipud iti 3,489 wenno 40.61% a nageksamen ti nakaruar idinto nga iti Pangasinan, 1,145 manipud iti 3,591 wenno 31.89% nga examinees ti nakaruar.

Naammuan manipud iti PRC a nangrugin ti inisial a panagirehistro kadagiti kabarbaro a nakaruar iti eksamen itay Septiembre 6, 2010 iti opisinada ditoy siudad. Kas sagudayen ti Commission Office Order No. 2009-90 a napetsaan iti Pebrero 19, 2009, dagiti laeng nakaruar a Baguio examinees ti agrehistro iti regional office ditoy. Sagudayen pay ti pammilin ti policy a “register where you took ti exam”.

Nupay kasta, tapno saan nga umilet iti regional office ken tapno makainut dagiti agparehistro iti mabusbos iti panagbiaheda, agaw-awat ti regional office iti inisial a rehistrasion iti ruar ti Baguio.

Imballakad ti PRC ti panagsapata dagiti kabarbaro a nurses iti lugar a nagrehistroaanda.

Dagiti sumaganad ti iskediul iti rehistrasion ken panagsapata:

Oathtaking Venue/Date: CAP Building, Camp John Hay, Baguio City – September 23, 2010, AM and PM;

Registration Venue/Date: Baguio Regional Office – September 6 onwards – ;

Oathtaking Venue/Date: Fort Ilocandia, Laoag City -September 25, 2010; AM only;

Initial Registration Venue/Date: Northern Christian College – September 4; University of Northern Philippines – Vigan, September 5;

Oathtaking Venue/Date: Bangko Sentral Bldg, San Fernando City – September 26, 2010, AM only;

Initial Registration Venue/Date: Ilocos Training and Regional Medical Center (ITRMC) Training Office – September 6; Union Christian College – September 11; Lorma Colleges – September 18;

Oathtaking Venue/Date: CSI Stadia, Dagupan City – October 1, 2010, AM only;

Initial Registration Venue/Date: PMS Bldg, PNA Office and Lyceum Northwestern University – September 10; PMS Bldg, PNA Office – September 11;

Iyisio ti PRC Central Office ti Professional Identification Card ken Certificate of Registration  iti uneg ti 3-4 bulan kalpasan ti transmittal ti regional office.#