Footer

Pannakapaadda ti barangay tourism council, pasado iti SP

VIGAN CITY – Sangsangkamaysa nga inaprobaran dagiti bokal ti resolusion nga indatag ni Vice Gov. Deogracias Victor “DV” Savellano a mangirekomenda kadagiti local government units iti probinsia a mangbuangay iti barangay tourism ken barangay tourism investment council iti tunggal barangay.

Kinuna ni SPM Ismael Baterina, chairman ti committee on tourism, nga addan barangay tourism council iti dadduma a barangay ket sumagmamano kadagitoy ti agkutkuti ngem kasapulan a maallukoy ti amin a barangay a mangbuangay iti konseho ti turismo ta isuda ti ad-adda a makaammo kadagiti potensial ti turismo iti bukodda a barangay.

Indagadag ni Baterina a kasapulan a mareorganisa dagiti municipal tourism council iti tunggal ili tapno ad-adda a mapapigsa ti kampania para iti turismo ditoy probinsia.

“Dagiti mismo a taga-barangay ti makaammo kadagiti first hand information mainaig iti masakupanda a lugar a mabalin a mapapintas kas tourist spots,” kinuna ni Baterina bayat ti report ti  committee on tourism iti session a naangay idi Setiembre 7.

Kabayatanna, naipasa met ti rekomendasion iti probision ti Special Education (SPED) center ti probinsia para kadagiti ubbing a makasapul iti espesial a pannakataming. Iti agdama, addan naiyestablisar nga SPED centers iti dibision ti Candon City ken Vigan City isu a kasapulan met a maprobetsar ti kaasping a sentro iti dibision ti Ilocos Sur.

Iti pannakakiuman ken ni  Ilocos Sur Schools Division Superintendent Marino Baytec bayat ti Special Education (SPED) Caravan 2010  idi Agosto 17, kinunana a kitkitaen ti DepEd ti posible a pannakaipasdek ti dua nga SPED centers iti probinsia. Nupay kasta sumagmamanon a pagadalan iti dibision ti Ilocos Sur ti umaw-awat kadagiti ubbing nga addaan rangkap kas ti ili ti Narvacan, Sta. Lucia, Van Vicente, Magsingal, San Juan ken Cabugao.#

VIGAN CITY – Sangsangkamaysa nga inaprobaran dagiti bokal ti resolusion nga indatag ni Vice Gov. Deogracias Victor “DV” Savellano a mangirekomenda kadagiti local government units iti probinsia a mangbuangay iti barangay tourism ken barangay tourism investment council iti tunggal barangay.

Kinuna ni SPM Ismael Baterina, chairman ti committee on tourism, nga addan barangay tourism council iti dadduma a barangay ket sumagmamano kadagitoy ti agkutkuti ngem kasapulan a maallukoy ti amin a barangay a mangbuangay iti konseho ti turismo ta isuda ti ad-adda a makaammo kadagiti potensial ti turismo iti bukodda a barangay.

Indagadag ni Baterina a kasapulan a mareorganisa dagiti municipal tourism council iti tunggal ili tapno ad-adda a mapapigsa ti kampania para iti turismo ditoy probinsia.

“Dagiti mismo a taga-barangay ti makaammo kadagiti first hand information mainaig iti masakupanda a lugar a mabalin a mapapintas kas tourist spots,” kinuna ni Baterina bayat ti report ti  committee on tourism iti session a naangay idi Setiembre 7.

Kabayatanna, naipasa met ti rekomendasion iti probision ti Special Education (SPED) center ti probinsia para kadagiti ubbing a makasapul iti espesial a pannakataming. Iti agdama, addan naiyestablisar nga SPED centers iti dibision ti Candon City ken Vigan City isu a kasapulan met a maprobetsar ti kaasping a sentro iti dibision ti Ilocos Sur.

Iti pannakakiuman ken ni  Ilocos Sur Schools Division Superintendent Marino Baytec bayat ti Special Education (SPED) Caravan 2010  idi Agosto 17, kinunana a kitkitaen ti DepEd ti posible a pannakaipasdek ti dua nga SPED centers iti probinsia. Nupay kasta sumagmamanon a pagadalan iti dibision ti Ilocos Sur ti umaw-awat kadagiti ubbing nga addaan rangkap kas ti ili ti Narvacan, Sta. Lucia, Van Vicente, Magsingal, San Juan ken Cabugao.#