Footer

Pondo a maur-or iti Alay Lakad, para out of school youth

VIGAN CITY – Kagiddan ti pannakaiselebrar ti Civil Service Month, insayangkat ti gobierno probinsial ti Alay Lakad idi Setiembre 6 tapno makaurnongda iti pondo para kadagiti out of school youth.

Maysa a porsiento ti maikissay iti makabulan a sueldo dagiti empleado iti gobierno a maipan iti pondo para iti panagbasa ken panagsanay dagiti napanglaw a kaprobinsiaan ken dagiti ubbing a saan nga agbasbasa.

Kinuna ni Vice Gov. Deogracias Victor “DV” Savellano a maysa ti Alay Lakad kadagiti wagas ti gobierno tapno makaurnong iti pondo a makatulong kadagiti agkasapulan nga ubbing a saan a kabaelan dagiti nagannakda a pagbasaen gapu iti kinapanglaw.

“Malaksid a makatulongtayo,  makatulong pay iti salun-at dagiti empleado daytoy a pannagnatayo para kadagiti out of school youth,” kinuna ni Savellano.#

Comments are closed.