Footer

Retirado a kameng ti Army, nakasuan

BURGOS, Ilocos Sur – Nakasuan iti murder ti maysa a retirado a kameng ti Philippine Army gapu iti panangpatayna iti kalugaranna itay nabiit.

Naipilaan ni Jerry Pascua y Aliodan, 52, naasawaan, retired Philippine Army, residente iti Barangay Paduros, ditoy nga ili, iti murder iti Narvacan RTC Branch 72 gapu iti panangpaltogna ken ni Rodrigo Belen y Bitonio, 50, naasawaan, mannalon, kalugaranna, idi Septiembre 3, 2010.

Segun iti inbestigasion ti polis, mapapati nga adda saan a nagkinnaawatan ti akusado ken ti biktima bayat ti panaginumda iti balay ti maysa a kalugaranda iti agarup alas 8 ti rabii ti nadakamat nga aldaw.

Mapapati a sinurot ti akusado ti biktima idi naggawid daytoy sana pinaltogan. Nagsagrap ti biktima iti sugat iti ulo ken nadumaduma a paset ti bagina a mapapati a naggapu iti cal. 45 kas maibatay kadagiti 4 a kapsula a narekobre dagiti polis iti nakapasamakan ti krimen.#

Comments are closed.