Footer

Tiendaan ti Magsingal, nagdoble ti napastrekna

MAGSINGAL, Ilocos Sur – Nagdoble ti napastrek ti kabarbaro a tiendaan ditoy no maidilig iti napastrek ti tiendaan iti kallabes.

Segun ken ni Municipal Treasurer Edgardo Oandasan nga immabut iti P4.2 milion ti napastrek ti tiendaan daytoy nga ili iti las-ud ti makatawen manipud iti nasurok a P2 milion a napastrekna iti naglabas.

Kinuna ni Oandasan a namnamaenna ti pannakagun-odda iti puntiria a P4.6 milion a mapastrek ti tiendaan iti daytoy a tawen.#