Footer

Baro, linugoban 3 lalaki

VIGAN CITY – Nakursonadaan ti tallo a lalaki ti maysa a baro ket linugobanda daytoy a puon ti nakayospitalanna.

Nagpulong ni Richard Tulia y Alconis, 17, baro, residente iti Barangay IV, ditoy siudad a kinabil da Richard Yagin y Villegas, 25, naasawaan, residente iti Barangay Katipunan, Sinait, Ilocos Sur; Richard Padua, residente ti Barangay V, ditoy siudad ken Jomar Polido, residente iti Cabugao, Ilocos Sur, agpapada nga agbasbasa iti College of Data Center ditoy siudad idi agarup alas 8:00 ti rabii ti Septiembre 14.

Naammuan iti panagimbestiga dagiti polis a napan sinukon ni Tulia ti gayyemna a babai a ni Julie Ann Medrano a napan nagpraktis para iti beauty pageant ket bayat ti pannagnada iti De los Reyes, nagsardeng iti sanguananda ti motorsiklo a nagluganan dagiti suspek, dimsaag dagitoy ket ginulpeda lattan ti biktima.

Naipan iti ospital ti biktima para iti pannakataming dagiti sugatna.#

Comments are closed.