Footer

Mannalon, napapatay bayat panangpakanna iti nuangna

NARVACAN, Ilocos Sur – Napapatay ti maysa a mannalon bayat ti panangpakanna iti nuangna iti agsapa ti Septiembre 14 iti Barangay Lungog ditoy nga ili.

Nainaganan ti biktima a ni Eugenio Gasmen y Claustro, 49, balo, mannalon, residente iti Barangay Lungog ditoy nga ili.

Segun iti report, napan pinakan ti biktima ti nuangna a naigalut iti asideg ti karayan ket bayat ti kaaddana iti nadakamat a lugar, inasitgan dagiti di nabigbig nga armado a tattao sada pinaltogan ti biktima iti namindua.

Naitaray ti biktima iti Central Ilocos Sur District Hospital ngem pimmusay bayat ti pannakataming dagiti sugatna iti tian.

Di pay ammo ti motibo ti pammapatay.#