Footer

Motorista, naikras gapu iti aso

BANTAY, Ilocos Sur – Nadundunor ti maysa lalaki gapu iti pannakatulid ti motorsiklona kalpasan ti pannakadungparna ti maysa nga aso.

Naammuan iti report manipud iti polis ditoy a bayat ti panagdaliasat ni Mario Paz, 33, residente iti Barangay Balaleng, ditoy nga ili,  iti kalsada a sakup ti nadakamat a barangay, iti agarup alas dies ti rabii ti Septiembre 16, maysa nga aso ti kellaat a bimmallasiw ket naladawen tapno makapagpreno ti biktima a puon ti nakadungparanna iti daytoy.

Natulid ti lugan ti biktima a nagsagrapanna iti dunor ket naitaray iti Metro Vigan Cooperative Hospital.

Nupay kasta, rimmuar met laeng ti biktima agsipud ta awan ti ania a nakaro a dunorna.#

Comments are closed.