Footer

Puesto ti ikanan iti tiendaan, naurnos

STO. DOMINGO, Ilocos Sur – Kinuna ti market master a saan a napananaw dagiti aglaklako iti ikan iti tiendaan ditoy no di naurnosda laeng.

Nagreklamo dagiti transient vendors iti polis itay nabiit gapu iti mapapati a pannakapapanawda iti puestoda.

Ngem kinuna ni market master Berting Tacla a nailugar dagiti aginaldaw nga aglaklako iti ikan iti dati a puesto dagiti aglako laeng iti aldaw ti tienda.

Innayon ni Tacla a panagtungpalna daytoy iti pammilin ni Mayor Amado Tadena a maurnos ti lugar a paglakuan dagiti aglaklako iti lames iti tiendaan gapu ta nakitana a nawara ti panagpuesto dagiti ikanan iti naminsan a panagpasiarna iti tiendaan.#

Comments are closed.