Footer

WIFI connection, maipasdek

VIGAN CITY – Maipasdek ti barangay internet system kadagiti nadumaduma a pagadalan ken barangay ditoy siudad.

Napunduan ti nasao a proyekto iti P12 milion a mangipaay iti WIFI connection iti 18 a pagadalan ken 39 a barangay ditoy siudad.

Dua laeng a konsehal, da Konsehal Franz Ranches ken Konsehal Constante Benzon ti nangkontra iti ordinansa agsipud iti kadakkel ti pondo a nailatang para iti WIFI connection a kunada a maipaay laeng koman para iti sabali a proyekto.

Ngem inkalintegan ni Kon. Loreto Quibilan a dakkel a katulongan dagiti estudiante iti panagadalda ken dagiti bumarangay ti maipasdek a WIFI connection.#

Comments are closed.