Footer

2 drug pusher a natiliw iti entrapment operation, nakasuan

TAGUDIN, Ilocos Sur –  Nakasuan iti panaglabsing iti Sections 5 ken 11 ti RA 9165 dagiti dua a drug pusher a natiliw iti entrapment operation nga insayangkat ti nagtipon nga elemento ti Criminal Investigation and Detection Team ti Ilocos Sur, Police Provincial Office ken ti polis ditoy nga ili babaen ti koordinasion ti PDEA, PRO1 sadiay Barangay Bitalag idi Septiembre 17.

Natiliw da Jose Asislo y Tulabis, 27, residente iti Barangay Bongayu, Bagulin, La Union ken Yangod Piloy y Palungyas, 55, residente iti Barangay Tio-Angan, Bagulin, La Union iti entrapment operation nga inwayat dagiti nadakamat a nagtitipon nga elemento idi bigat ti Septiembre 17.

Nakakumpiska dagiti polis kadagiti akusado iti pito a bricks ti bulong ti marihuana nga agdagsen iti pito a kilos, dua a sag-P500 a mark money ken weighing scale. Segun ken ni Police Chief Insp. Villaflor Banawagan ti hepe ti CIDT-Ilocos Sur, agpateg dagiti nakumpiska a bricks ti marihuana iti P21,000.#

Comments are closed.