Footer

3 lalaki, natiliw nga agsusugal iti kara y krus

CANDON CITY – Tallo a lalaki ti tiniliw dagiti polis gapu iti panagsusugalda iti parkingan dagiti traysikel iti Barangay  San Jose ditoy siudad idi Septiembre 20, 2010.

Natiliw da Willy Layag y Ancheta, 40, baro, tricycle driver ken residente ti Barangay Mckinley, Galimuyod, Ilocos Sur; Rommel Gaona y Dungalen, 37, naasawaan, BPATS member, tricycle driver, residente iti Barangay Bugnay, Candon City ken Jetson Manzano y Bagni, 27, naasawaan ken residente iti Barangay San Jose, Candon City bayat ti panagsusugalda iti kara y krus iti parkingan dagiti traysikel iti nagsulian ti San Juan Street ken Madarang Street ti Barangay San Jose, Candon City.

Nakumpiska kadagiti tallo ti 9 a P5-coin, maysa a P10-coin, 13 a P1-coin, ken 2 a daan ken demonetized P1-coin.

Naisaklang dagiti tallo iti kaso a panagsalungasing iti PD 1602 iti City prosecutor’s office.#

Comments are closed.