Footer

Babai a di nagbayad iti utangna, naipulong iti polis

VIGAN CITY – Gapu iti dina panangitaltalek nga agbayad iti utangna, naipulong ti maysa a babai iti polis ditoy siudad idi Septiembre 21.

Inreklamo ni Fely Ramirez y Claudio, 35, naasawaan, residente iti Barangay Capangpangan, ditoy siudad ni Marites Abuan y Rocod, naasawaan, residente iti Barangay Dongalo, San Ildefonso, Ilocos Sur gapu iti mapapati a di panagbayad daytoy iti P350,000 nga utangna ken ni Ramirez.

Segun iti inbestigasion ti polis, idi Agosto 17, 2010, simmublat ni Abuan iti P200,000 ken ni Ramirez a mapapati nga  addaan iti tulagan a maporsientoan iti 12% per month ken inkarina a bayadanna ti utangna iti Septiembre 17, 2010.

Idi Agosto 26, 2010, insalda ni Abuan ken ni Ramirez ti kotsena a Mitsubishi Adventure iti P150,000 ngem kalpasan ti sumagmamano nga aldaw, innalana ti luganna idinto nga inkarina a bayadanna ti utangna iti binulan.

Mapapati nga iti baet ti sumagmamano a demanda ni Ramirez a bayadan ni Abuan ti utangna, saan a nangitaltalek daytoy, gapuna nga inreklamon ti immuna iti polis.#