Footer

Boundary dispute, di pay marisut

SAN EMILIO, Ilocos Sur – Problema daytoy nga ili ti beddengna kadagiti kaparangetna nga ili, segun ken ni Mayor Ferdinand Banua itay nabiit.

Kinuna ni Banua a di pay marisut ti problema daytoy nga ili iti nagbeddengan, kas iti boundary dispute iti probinsia ti Abra.

Kinuna ti mayor a tinawidna pay la daytoy a problema iti sinukatanna a mayor.

Aminado ti mayor a narigat a marisut daytoy a problema ta di kayat dagiti local chief executives a maikkatan ti land area ti masakupanda nga ili.

Maysa a pagbatayan ti internal revenue allotment iti kalawa ti land area ti maysa a munisipalidad.#