Footer

Senior citizens, nabakunaan pangontra A1H1

VIGAN CITY – Kinuna ni Mayor Eva Marie S. Medina a naikkan dagiti senior citizens ditoy siudad iti bacuna a maikontra iti A1H1 kas paset ti programa ti salun-at ti siudad.

Tunggal barangay ket naikkan iti iskediul para iti pannakabakuna dagiti senior citizens iti pangontra iti A1H1 virus.

Segun iti mayor, mismo a pinasiar dagiti agpapaay iti city health office dagiti bed ridden a senior citizens tapno maindieksionanda iti kontra iti nasao a sakit.

Maysa a kita ti influenza ti A1H1 virus a nakayospitalan ti rinibribu nga umili ditoy pagilian ken nakatayan iti ginasut a tattao.#