Footer

Back rider, binagkong nagkakalubbon iti motorsiklo

BANTAY, Ilocos Sur – Ballaag kadagiti motorista: siputanyo ti likudanyo amangan no adda mangbagsol lattan kadakayo a nakalugan met iti motorsiklo.

Daytoy ti linak-am ni Barry Singson y Lazo, 24, naasawaan, residente ti Barangay Caparacadan, Caoayan, Ilocos Sur bayat ti panagdaliasat ti Honda Wave a motorsikloda iti national highway a sakup ti Barangay Boquig, ditoy nga ili idi agarup 3:15 ti bigat ti Septiembre 25.

Iti inisial nga inbestigasion ti polis ditoy, bayat ti panagdaliasat ti nasao a lugar ti lugan a minaneho ni Edmund Noriega y Flores, 19, baro, residente iti nasao a lugar; Anthony Ponce y Quindipan, 26, baro, residente iti Barangay Fuerte, Caoayan, linabsan ida ti maysa a motorsiklo a nagluganan ti tallo a dida nabigbig a tattao ket binagsol ti backrider ni Singson a nakasakay iti likud.

Saan pay nga ammo ti motibo ti pammagsol.#

Comments are closed.