Footer

Balasang, peke a kuarta ti pinagbayadna

VIGAN CITY – Gapu iti kinaridam ti market supervisor ditoy siudad, natiliw iti tiendaan ditoy idi agarup 9:20 ti bigat ti Septiembre 25 ti maysa a babai a naggatang iti tagilako babaen ti peke a kuarta.

Tiniliw ti alert team nga indauluan ni Police Senior Inspector Mario Badiola ni April French Lazaro, 21, balasang, residente iti Sapang Palay, Area D, Bulacan, kalpasan a nasukalan ni Bonifacio Corpuz, market master, a peke ti P1,000 ken P500 a pinaggatang ti suspek iti manok ken longganisa iti tiendaan publiko ditoy siudad.

Nakasuan ni Lazaro iti panagsalungasing iti Article 168 ti RPC wenno illegal a panagikut ken panagaramat iti palso a treasury wenno bank notes ken dadduma pay nga instruments of credit.#