Footer

Isuzo Elf, natiliwan a nagkarga iti illegal logs

BANTAY, Ilocos Sur – Maysa a truck a nagkarga kadagiti illegal a troso ti napasardeng iti checkpoint nga impasdek dagiti polis iti national highway iti parbangon ti Septiembre 28.

Insayangkat dagiti polis ti checkpoint kalpasan a nakaawatda iti report manipud iti maysa a polis asset nga adda maibiahe nga illegal logs manipud Bangued, Abra nga agturong iti Barangay Mira, Bantay.

Di mabayag, napasungadan dagiti polis ti Isuzu Elf, maris puraw a nakaluban ti tuktokna iti tarpaulin a sinaruno ti maysa a Russi motorcycle.

Pinasardeng dagiti polis ti truck sada binirok dagiti dokumento para iti pannakaibiahe dagiti kargamento daytoy.

Inimbitaran dagiti polis ni Mario Bello y Bermudez, 50, residente iti Barangay Agtangao, Bangued, Abra ken ni Wilmar Palulan, residente iti Barangay Maoay, Bangued, Abra kalpasan a saan a makaipakita ti drayber kadagiti dokumento para iti pannakaibiahe dagiti troso.

Kinumpiska met dagiti taga-DENR dagiti sumaganad: 404 board feet ti Gmelina logs, 1,075 board beet ti acacia logs ken na-impound ti lugan iti Bantay police station.#

Comments are closed.