Footer

Panagdait, maiyadal iti makabulan

VIGAN CITY – Maisayangkat ti makabulan a panagadal iti panagdait para kadagiti agindeg iti upland municipalities.

Nangrugi idi Septiembre 27 ti training iti Caritas Nueva Segovia building iti Barangay Fatima ditoy siudad.

Segun ken ni Joel Pilotin, OIC provincial director ti Technical Education Skills Development Authority, kalkalpas ti training ti automotive a naiyadal met iti makabulan para kadagiti taga-upland municipalities.

Agdagup iti nakurang a 30 dagiti agsursuro iti dressmaking ken tailoring a kuna ni Pilotin a dakkel a tulong kadagiti taga-upland municipalities tapno adda pamataudanda iti pamastrekan apaman a makaturposda.#