Footer

Utility worker, nakoriente, natay

VIGAN CITY – Saanen a naidanon iti ospital ti biag ti maysa a utility worker kalpasan a nakoriente bayat ti panagkalina iti kanal iti lakub ti maysa nga unibersidad ditoy idi  malem ti Oktubre 4, 2010.

Naideklara a natayen idi maidanon iti Gabriela Silang General Hospital ni Christopher Balbin y Dalapus, 31, naasawaan, residente iti Barangay 3 ditoy siudad, trabahador iti University of Northern Philippines.

Segun iti report manipud iti polis ditoy, agkalkali ti biktima iti kanal iti asideg ti maysa a pasdek ket mapapati nga aksidente a naiggamanna ti di maus-usar a kaha ti aircon a mapapati a grounded a puon ti nakakorientean ken nakatayanna.#

Comments are closed.