Footer

Barangay checkpoints, naipasdek

BANTAY, Ilocos Sur – Saan laeng nga iti ili ti nakaipasdekan dagiti checkpoints no di pay kadagiti barangay.

Naiwayat daytoy kas panagtungpal dagiti hepe ti polis iti pammilin ni Police Senior Supt. Eduardo Dopale, provincial director, tapno matagiben ti urnos ken talna iti probinsia bayat ti panagkampania dagiti kandidato iti barangay ken SK elections inton Oktubre 25.

Naipasdek dagiti checkpoints babaen ti pannakikoordinar dagiti hepe ti polis iti municipal Comelec officer iti hurisdiksionda.

Naisayangkat pay dagiti peace covenants dagiti kandidato iti barangay ken SK elections babaen met laeng ti inisiatibo ti kapolisan ken ti Comelec.#

Comments are closed.