Footer

Baro, nakasuan iti anti-carnapping

CANDON CITY – Nakasuan iti anti-carnapping ti maysa a baro  gapu iti panangitarayna ti motorsiklo ti kaarrubana iti Barangay Luba, Sta. Lucia, Ilocos Sur.

Naduktalan a tinakaw ni Gilbert Gadingan y Moreno, 18, baro, tubo ti Narvacan, Ilocos Sur ngem agnaeden iti Barangay Luba, Sta. Lucia, Ilocos Sur ti sakayna a motorsiklo kalpasan a naawanan daytoy iti gasolina ket ginandatna ti agtakaw iti gasolina a karga ti  motorsiklo ni Edwin Lebantino y Guerzon, 38, naasawaan, residente iti Barangay Calongbuyan ditoy siudad idi agsapa ti Oktubre 15, 2010.

Akto a nasiputan ni Lebantino ti panangiyalis ti suspek iti gasolina manipud iti motorsiklona ket pinang-orna iti mop daytoy.

Nagtaray ti suspek ngem kinamat da Lebantino ken dagiti immarayat a kaarruba agingga iti naipiskotda sada impaima iti polis agraman ti motorsiklo daytoy.

Iti panagimbestiga dagiti polis, naduktalanda nga intaray ni Gadingan ti sakayna a motorsiklo a kukua ni Fely Cobico a kaarrubana.#

Comments are closed.