SAN ILDEFONSO, Ilocos Sur – Nadunor ti drayber ti maysa a bus idi binato dagiti naglugan iti motorsiklo bayat ti panagdaliasatna iti Barangay Gongogong ditoy nga ili idi Oktubre 14, 2010.

Naitaray iti Metro Vigan Cooperative Hospital ni Aurelio Quitevis y Collo, 50, naasawaan, gapu iti pannakabullo ti kanawan nga abagana maigapu iti pannakabato ti Partas Bus iti aganay 10:15 ti rabii iti national highway a sakup ti nadakamat a barangay.

Sinapul dagiti nagresponde a polis dagiti suspek ngem saandan a nasarakan dagitoy.#