Footer

3 nanabtuog iti drug buy-bust operation

SAN ILDEFONSO, Ilocos Sur – Tallo a lalaki ti nakasuan iti panagsalungasing iti RA 9165 kalpasan nga inaresto ida dagiti polis iti insayangkatda a buy-bust operation idi agarup alas dies ti bigat ti Oktubre 24.

Nakasuan iti provincial prosecutors’ office da Florante Palomares y Padre, 39, naasawaan, residente ti Barangay Tay-ac, Bantay, Ilocos Sur, Alejandro Velasco y Paet, 33, naasawaan, residente iti Barangay Cameztisoan, Sto. Domingo, Ilocos Sur, ken Joemar Portuguese y Paet, 16, baro, residente iti Barangay Tay-ac, Bantay, Ilocos Sur iti panaglako iti illegal a droga.

Inwayat dagiti polis ti buy-bust operation kalpasan a nakaawatda iti tip manipud iti maysa a civilian asset a maysa a lalaki ti nakitana nga agikut iti bulong ti marihuana  a naikabil iti plastic sachet.

Naisayangkat ti transaksion iti Barangay Poblacion East, ditoy nga ili, a nangiyawatan ni Velasco ken ni PO1 John Arnold Pre a nagpammarang a poseur buyer iti brown paper bag a mapapati a naglaon iti bulong ti marihuana.

Inaresto dagiti polis ni Velasco ken ti kaduana a ni Portuguese a nakasamsamanda iti napagango a bulong ti marihuana a nabungon iti school padpaper.

Narekobre pay dagiti polis ti P500 marked money nga inaramatda iti operasion.#

Comments are closed.