Footer

Lalaki, pinaltogan ti kabsatna

CERVANTES, Ilocos Sur – Maysa a lalaki ti pinaltogan ti kabsatna iti malem ti eleksion iti barangay ken SK a puon ti nakayospitalan ti biktima.

Naitaray iti Bessang Pass Memorial Hospital sa naiyalis iti Lepanto Hospital iti Mankayan, Benguet ni Joe “Ovet” Caud y Esteban, 28, naasawaan, residente iti Barangay Concepcion ditoy nga ili gapu iti sugatna ti sellangna kalpasan a pinaltogan ti kabsatna a ni Gerry Caud y Esteban, 30, naasawaan.

Segun iti report, naaddaan ti nabara nga argumento iti nagbaetan ti biktima ken ti suspek iti uneg ti balayda ket rimmuar ti biktima ngem sinurot ti suspek sana pinaltogan.

Naglibas ti suspek kalpasan ti pammaltog. Saan a narekobre dagiti inbestigador ti paltog a naaramat iti pammaltog a mapapati a 9 mm pistol.

Di pay ammo no ania ti nakaigapu ti panagsubang dagiti agkabsat.#

Comments are closed.