Footer

Gas attendant, naikras, natay

SINAIT, Ilocos Sur – Pimmusay ti maysa a motorista iti ospital a nakaitarayanna gapu kadagiti grabe a dunorna kalpasan a naikras iti rangtay iti national highway a sakup ti Barangay Namnama ditoy nga ili idi Nobiembre 15.

Napugsat ti anges ni Romel Iniba y Cano, 24, naasawaan, gas attendant iti maysa a paggasolinaan, ken residente iti Barangay Cabangtalan, ditoy met laeng nga ili bayat ti pannakatamingna iti Corpuz Clinic and Hospital gapu kadagiti dunorna iti barukong ken multiple fractures.

Naammuan iti inbestigasion nga agpaabagatan ni Iniba a nakalugan iti Euro X a motorsiklona a mapapati a napardas unay ti panagpatarayna ket idi lumasat iti nadakamat a barangay, dina nakontrol ti manibela ti lugan a nakadungparanna iti sementado a railing ti rangtay a puon ti nakaitapuakanna iti naipangato a nabato a paset ti karayan.

Nakaro met a nadadael ti lugan ti biktima.#

Comments are closed.