Footer

Ubing nakoriente bayat ti pannakiboksing ni Pacquiao

CANDON CITY – Maysa nga ubing ti nakoriente iti Barangay San Isidro ditoy siudad bayat ti panagboksing da Manny Pacquiao ken ni Antonio Margarito idi aldaw ti Nobiembre 14.

Naitaray ni John Dexter Santos, 10, Grade 3, residente iti nadakamat a barangay iti ospital ngem naideklara nga awanen ti biagna.

Iti inisial nga inbestigasion dagiti polis, mapapati nga immuli ti ubing iti dump truck nga imparking ni Rogelio Ariola, naasawaan, tapno nawaya a mabuyana ti nasao a rupak dagiti dua a boksingero ngem mapapati a nasagidna ti nababa a waya ti elektrisidad a puon ti nakakorienteanna.#

Comments are closed.