Footer

4 kameng ti NPA, nakasuan

VIGAN CITY – Uppat a lider ken kameng ti local communists terrorists ti napilaan iti kaso iti provincial prosecutor’s office mainaig iti panagranget ti Philippine Army ken grupo ti LCTs idi kanikatlo a bulan.

Segun iti report manipud iti provincial police office, nakasuan iti murder ken multiple attempted murder da Evaristo Buquing, Renato Amolot, Promencio Cortez ken Eleanor Ortega, mapapati a lider ken kameng ti LCTs nga agdakdakiwas iti probinsia ti Ilocos Sur ken kaarrubana a probinsia.

Napasamak ti enkuentro iti nagbaetan ti Philippine Army ken dagiti LCTs idi agarup 11:05 ti aldaw ti Septiembre 20 iti nagbeddengan ti Barangay Conconig East ken Conconig West, Sta. Lucia, Ilocos Sur a nagresulta iti pannakatay ni Sgt. Jilius Wagayan.#

Comments are closed.