Footer

Baro, natiliw a nagbungbong

SINAIT, Ilocos Sur – Inaresto dagiti polis ti maysa a baro a mapapati a nagkalap babaen ti illegal a wagas idi malem ti Nobiembre 29 iti igid the baybay a sakup ti Barangay Sabangan ditoy nga ili.

Naipan iti police station ditoy para iti pannakainbestigana ni Erickson Dangsil y Tabat, 19, baro, residente iti nadakamat a barangay ken pannakaisagana ti darum maikontra kenkuana.

Segun iti report, nagturong dagiti polis iti nadakamat a barangay kalpasan a nakaawatda iti pulong nga adda nagbungbong iti kabaybayan ket inuray dagiti polis ti suspek a simmanglad sada kinumpirma no nabungbongan dagiti nakalapna.

Kinumpiska dagiti polis iti sumurok-kumurang a 3 kilo a mataan a mapapati a nabungbongan ket naipan iti Bureau of Fisheries and Aquatic Resources para iti pannakaeksamenda.#

Comments are closed.