Footer

SARITA: Kas iti panawen (Maudi a paset)

MAY 15, 2008. Manila Hotel.

“This year we honor 15 outstanding individuals whose lives changed for the better despite the many challenges they encountered. Now, they are the ones initiating change. Their vision, creativity, and achievements will inspire the current and next generations of entrepreneurs,” nabukel ken nabileg ti panangiwaragawag ni Mr. David L. Balangue, Chairman ken Presidente ti SGV Foundation. Naulimek ti pusek a Fiesta Pavillon.

Nakaro unay ti panaglubilubi ti barukongmo. Ngem naimas ketdi a panaglubi iti barukong ta addaan iti pannakkel a mangitaytayok iti kinaasinom a kas ama.

“All nominees went through a strict financial data ranking system. The finalists were further evaluated by an independent panel of judges composed of distinguished personalities from government, business, and academe. The panel was chaired by Ambassador Bienvenido Tan, Jr. of the Philippine Business for Social Progress, and President of Modern Glass Distributors, Inc. The other judges were SAP Philippines Managing Director, Mr. Krish Datta, Development Bank of the Philippines President and CEO, Mr. Reynaldo David, Department of Trade and Industry Undersecretary Zenaida Maglaya, Ateneo de Manila University President Rev. Fr. Bienvenido Nebres, and Schwab Foundation for Social Entrepreneurship East Asia Head Mr. Kevin Teo.

“… and now, to receive the Entrepreneur Award for Luzon, for excelling in entrepreneurship, leadership, and community development. His highly successful chain of restaurants, which serve delectable and authentic Ilokano and Chinese foods in a casual dining set up, has established a sound reputation for consistent and quality service, the President and CEO of Kusina Ilokano Enterprise, Mr. Silverio Gualberto III!”

Kunam la no daytoy ti kasasam-itan aminen a musika a nangngegmo. Natibong ken napaut ti palakpak ket kunam la no marban ti Manila Hotel. Naimatangam a nagtatakder dagiti naglilibnos a babbai idi inwaragawag ni Mr. Balangue a baro pay laeng toy inunaam ken kaubingan a CEO iti intero a pagilian. Siraraem amin a mata a naiturong iti lamisaanyo.

Nabuyam a nakaranraniag dagiti mata ni Junjun a naiturong iti lamisaanyo idi awatennan ti sarming a plakena. Ammom nga agpaay dayta nga isem kadakayo a nagannak kenkuana, dagiti dua a kakabsatna a babbalasang ken ti gelprenna, ni Kristine Ty, PhD. Adda iti kannigidmo ti propesora iti unibersidad,  buridek ken kakaisuna a babai kadagiti sangapulo nga anak ni Alvin Ty a presidente ti Northern Luzon Filipino-Chinese Chamber of Commerce and Industry.

Naggayad ti isemmo idi nabuyam nga inarakup dagiti dua nga adien ti inunaam a nurse ti aglulua nga inada. Wen, nakalua ti inada iti balligi ni Junjun. Nakariknaka iti pannakkel. Dakayo nga agassawa a komersiante iti nateng ken prutas ken college dropout ket nakapatanor iti anak a naisangsangayan iti benneg ti negosio.

Kasano a napasamak a di nagpadi ti inunaam? Simmurot iti naminsan a nagideliberka kadagiti order a nateng ken prutas kadagiti restaurant ken hotel. Naayatan a nakisarsarita kadagiti sukiyo nga Intsik. Pasaray isu payen ti agideliber kadagiti orderda. Lutuenna iti balayyo dagiti putahe a nasursurona kadagiti Intsik. Ne, ta pagaayatna metten ti aglutoluto. Ket dakkel a nam-ay ta addan para lutoyo.

Idi agkolehio, kunam no agenrol iti kinapadi iti maysa kadagiti uppat a seminario ti Katoliko iti siudad, ngem nagenrol iti BS in Hotel and Restaurant Management. Immisemka kadaydi a kanito ta iti mugingmo, makitkitam daydi kasla takiag nga ikan a nabanniitanna ken napalusposanna sadiay Paraiso ni Juan. Second year college idi dumawat iti puonanna ta mangipatakder kano iti restaurant. Nagreklamo ni baketmo idi nangiruarka iti kuarta iti banko a pagpuonanna. “Agey la tan! Sangapulo ket dua a tawen nga urnongta dayta, lakay…” Nalaokan ti sennaayna iti danag. Naglua pay. Makasangit. Ngem kunam met: “Kas nagannak kenkuana, akemta a tarabayen aniaman ti ar-arapaapenna iti biag.” Ngem ti mangpatpatibker kenka: “Saan dakayo puloblema. Kami tulong ‘suna…” balakad dagiti Intsik a sukiyo. Ad-adda a dagitoy negosiante nga Intsik iti nagkunnotanna iti balakad maipapan iti panangipataray iti negosio. Idi nagturpos iti kolehio, addan ti walo a branches ti restaurantna iti Baguio-Benguet. Nagadal iti Masters in Business Administration (with Thesis). Ita, addaanen iti nasurok a sangagasut a branches ti restaurantna iti intero a Luzon ken addaan iti nasurok nga uppat a ribu nga empleado. Panggepna nga ikalawa ti negosiona iti Visayas ken iti Mindanao.

Kasla dika mamati. Ngem nagarapaap toy anakmo. Nagtignay. Arapaap, daytoy ti panagbanniit iti kayat a pagbalinan iti masakbayan. Panagtignay, kangrunaan nga aramiden ti tao kabayatan ti panagarapaapna. Napateg dagitoy ta isuda ti mangitunda iti umno a dana ti balligi. Ngem saan a magun-od amin nga arapaap. Iti dana ti biag, adda met  panagsikko ta saan a sumina iti tao ti pannakaawat, kayat ken pangngeddeng.

Naglawagen a maawatan ti sungbat ti burburtia ti biag a saanmo idi a maibuksilan. Maawatam itan daydi saanmo a maawatan a rikna. Agingga a saan pay nga intinnag ti tao ti angklana, saan pay a napnek iti sumangladanna, kas iti panawen nga agbaliwbaliw…#

Comments are closed.