Footer

Pamilia ti natay, nakadungpar, nagareglo

SANTIAGO, Ilocos Sur – Saanen nga agdarum ti pamilia ti babai a natay iti aksidente kalpasan a nagaregloda iti nakadungpar kenkuana.

Naideklara a natayen ni Raquel Santos y Dollendo, 26, residente iti Barangay Bagani Campo, Candon City kalpasan a dinungso ti Mitsubishi Lancer a minaneho ni Bernard Rondaris y Rabang, 48, naasawaan, residente iti Barangay Pantay Fatima, Vigan City idi malem ti Disiembre 13 iti national highway ti Barangay Olo-olo ditoy nga ili.

Sakbay ti pasamak, agkasaruno nga agpaamianan dagiti dua a lugan, ket iti nadakamat a lugar, inobertekan ni Santos ti sabali a motorsiklo sa mapapati a nag-U turn a nakaigapuan ti pannakadungso ti kotse a minaneho ni Rondaris iti makannigid a paset ti motorsiklo a nagsagrapan ti biktima kadagiti grabe a sugat ken nakaigapuan ti pannakatayna.#

Comments are closed.