Footer

Baket, nairaman a napuoran iti uram

TAGUDIN, Ilocos Sur – Nairaman a napuoran ti maysa a baket iti uram a napasamak iti Barangay Del Pilar ditoy nga ili idi rabii ti Disiembre 26.

Nasarakan a maysan a bangkay gapu iti pannakauram ni Ursula Somera y Licos, 75, ina ti akinkukua iti balay a ni Eduardo Somero y Licos, 45, naasawaan, residente iti nasao a barangay.

Mapapati a nangrugi ti uram iti aganay alas 8:30 ti rabii ti nadakamat nga aldaw ket nadepdep ti apuy iti agarup alas 9:20 babaen ti panagtitinnulong ti Tagudin fire station, Bangar fire station ken kapolisan ditoy.

Mapattpatta nga agbalor iti P20,200 ti dimmapo a balay a naaramid iti nalag-an laeng a material.#

Comments are closed.