Footer

Maestro, anak ken kaanakanna, nalmes

CABUGAO, Ilocos Sur – Simmangbay ti trahedia iti agama ken kaanakanna iti malem ti bisperas ti Paskua.

Immuna a naalaw da Malaya Villaruz y Imperio, 7, Grade VI pupil ti Don Leopoldo Yabes Elementary School ken Sandra Die Imperio, 9, residente iti Barangay Catanggaman, Nuevo, Tuguerarao City ngem naideklarada a natayen iti Suero General Hospital a nakaitarayanda.

Simmaruno a nabirokan ti bangkay ni Jenrel Villaruz y Guittap, 38, naasawaan, elementary school teacher ti DLY Elementary School, babaen ti search and rescue operation ti nagtipon a bunggoy ti Naval-Welfare, Navy Seal of the Philippines a nakabase iti La Union, nagtipon a polis ti Cabugao ken Sinait, Cabugao fire station ken dagiti nagboluntario a mangngalap iti Sinait ken ditoy nga ili.

Naammuan iti inisial nga inbestigasion ti polis ditoy a nagturong idi alas 4:00 ti malem ti Disiembre 24 da Jenrel, ti anakna a ni Malaya ken ti kaanakanna a ni Sandra iti igid ti baybay ti Barangay Pug-os ditoy nga ili tapno agdidigosda.

Mapapati a bayat ti kaaddada iti baybay, ginuyod ida ti napigsa a koriente.#

Comments are closed.