Footer

Pawnshop, napanggep a maserrek?

CANDON CITY – Posible nga adda manen naisayangkat a panagtakaw kadagiti pawnshop ditoy a siudad no saan a naguantaran dagiti pannakabagi ti linteg ditoy.

Maysa a tip ti naawat dagiti polis ditoy nga adda dagiti mangmangeg a panagtubtob iti kanal nga asideg kadagiti pasdek negosio iti Madarang Street iti abagatan ti Candon public market.

Pinakdaaran dagiti polis dagiti tallo a pasdek negosio idinto nga iningetanda ti panagpatroliada iti nadakamat a lugar.

Mapapati a nakasaep dagiti agpangpanggep nga agtakaw ket insardengda ti panagtubtobda.

Maipalagip a dua a pawnshop ti natakawan iti napalabas a nakakurimesan dagiti mannanakaw iti kuarta ken alahas babaen ti panangtubtobda iti kanal a kumamang iti uneg dagiti pawnshops.#