Footer

Residente ti Shelterville, sinagutan ti YAPIS

VIGAN CITY – Sinagutan ti gunglo dagiti propesional ken achievers dagiti amin a residente bayat ti panagpiesta ti Shelterville iti San Julian Norte ditoy siudad idi Disiembre 18.

Indauluan dagiti agassawa a Vice Mayor Ryan Singson ken Patricia Savellano Singson ti Young Achievers and Professionals Into Service (YAPIS) a nagibunong iti delata, aruaten, bagas ken ay-ayam para kadagiti ubbing ti nasao a lugar.

Segun ken ni Patricia, naggapu iti gagayyemda iti Metro Manila dagiti dadduma a regalo a naiwaras a maysa metten a wagas a mangparagsak kadagiti residente ti Shelterville iti Paskua. Naiyawat dagiti regalo kalpasan ti paay-ayam a nakipartisiparan dagiti ubbing.#

Comments are closed.