Footer

Ubbing nga addaan rangkap, nasagutan

CABUGAO, Ilocos Sur – Insagutan ti pamilia ni pasado nga SK Federated President Deogracias Jose Victorino “DJ” Savellano iti makan ken ay-ayam dagiti ubbing iti Simulation and Therapeutic Activity Center (STAC) iti Sto. Domingo, Sta. Maria,  Candon City ken ditoy nga ili idi Disiembre 22.

Karaman pay kadagiti naikkan iti sagut dagiti amin nga balud iti Ilocos Sur Provincial Jail.

Kabayatanna, tsinelas ken underwear ti inwaras ni baro nga SK Federated President Marie Gabrielle Kayla Mendoza kadagiti ubbing ti Barangay Tamag, Vigan City.

Naangay pay dagiti  agduduma a parlor games ken naikkan pay dagiti ubbing iti merienda bayat ti programa.#