Footer

2 lalaki, natiliw gapu iti ay-ayam a paltog

SINAIT, Ilocos Sur – Gapu iti panagisakibutda iti ay-ayam a paltog, natiliw dagiti dua a lalaki ket napalutpotda iti police station.

Segun iti report, madama ti inspeksion dagiti polis nga indauluan ni Police Inspector Rolando Battulayan, Deputy Chief of Police, kadagiti mailaklako a paputok iti sanguanan ti tiendaan idi rabii ti Disiembre 31 ditoy idi nagsuspetsada kada Miker Yadao y Dauz, 32, naasawaan, residente ti Barangay Teppeng ken Edwin Yadao y Impelido, 42, naasawaan, residente iti Barangay Magsaysay nga agpada a nakalugan iti motorsiklo agsipud ta adda nagtukol a paltog iti siketda.

Pinasardeng dagiti polis dagiti dua sada kinumpiska dagiti paltog ngem naduktalanda nga abalbalay dagitoy.

Nupay kasta, naipan dagiti dua iti police station tapno mapalutpotda.#

Comments are closed.