Footer

Baket, dinungpar ti bus, natay

STA. MARIA, Ilocos Sur – Natay ti maysa a babai kalpasan a pinilidan ti maysa a bus iti national highway a sakup ti Barangay Maynganay Sur, ditoy nga ili idi rabii ti Enero 2.

Dagus a natay ni Beneranda Cabreros y Daquel, 88, naasawaan, residente iti nadakamat a barangay kalpasan a dinungpar ti Florida Bus a minaneho ni Michael Forlaine Majia y Pangramuyan, 42, naasawaan, residente iti Barangay Dagueray, Sanchez Mira, Cagayan.

Iti panagimbestiga dagiti polis, agpaabagatan ti bus ket idi makadanon iti nadakamat a barangay, nadungparna ni Cabreros nga agballasiw iti kalsada.

Simmuko ni Majia iti San Esteban police station sa naipaima iti polis ditoy.

Nadadael ti akimbaba a kannawan a windshield ti bus.#