Footer

Suspek iti pammapatay, simmuko iti polis

VIGAN CITY – Simmuko iti polis ditoy ti suspek iti pammaltog iti Barangay IV ditoy siudad idi rabii ti Enero 2 a nakatayan ti maysa ken nakasugatan ti sabali.

Boluntario a simmuko iti polis ni Francis Mariñas y Eleccion, 33, baro, residente iti Barangay IV idi malem ti Enero 3, maysa nga aldaw kalpasan ti mapapati a panangpaltogna ken ni Erwin Riguera y Sabado, 31, naasawaan, residente iti Rizal Street, Barangay III ditoy met laeng siudad a nakairamanan ni Freddie Baldonado y Pagaoa, 52, baro, akinkukua iti tienda a nakapasamakan ti pammaltog.

Pinaglibakan ni Mariñas nga isu ti pimmaltog ken ni Riguera nupay binigbig ni Baldonado nga isu ti nangisayangkat iti pammaltog.

Iti inisial nga inbestigasion dagiti polis ditoy siudad, naammuan nga agtaktakder ni Riguera iti sanguanan ti tienda ni Baldonado idi simmangpet ti suspek ket inasutna ti paltogna sana pinaltogan ni Riguera ngem nagmintis ket ti makannigid a lapayag ni Baldonado ti napuntaan ti bala.

Nagtaray ni Riguera ngem mapapati a kinamat ti suspek ket pinaltoganna ti biktima iti sumagmamano a daras a nagsagrapan daytoy iti sugat iti bagina.

Naitaray ni Riguera iti Metro Vigan Cooperative Hospital ngem indeklara ti doktor a natayen. Naipan met ni Baldonado iti St. James Hospital ket naammuan a nasayaaten ti kasasaadna.

Naglibas ti suspek kalpasan ti pammaltog.

Nakarekobre dagiti inbestigador iti tallo a kapsula manipud iti cal. 45 iti nakapasamakan ti krimen.

Iti pannakaisurat daytoy, saan pay a nalawag no apay nga umap-apiring latta ni

Comments are closed.