Footer

5 tattao, nadundunor iti explosion

SINAIT, Ilocos Sur – Nayospital ti agiina maigapu iti pannakadundunorda idi bimtak ti maysa a banag a napilidan ti motorsiklo a naglugananda.

Naitaray da Jocelyn Rafanan y Rosimo, 31, naasawaan, ken dagiti dua nga annakna a nainaganan Jonalyn, 8, Grade III, ken ni Alden Paul, 7, Grade II, agnaedda amin iti Barangay Teppeng, ditoy nga ili.

Segun iti report a dimmanon iti polis ditoy, agdaldaliasat ti motorsiklo a minaneho ni Jocelyn iti barangay road a sakup ti Barangay Teppeng idi kellaat a bimtak ti napilidan ti luganda a nakadunoran ti saka ken dadduma a paset ti bagida.

Nairaman a nadunor da Crisanto Coloma y Abella, 53, baro, ken John Christopher Solis y Savella, baro ken residente met laeng iti nadakamat a barangay ket naipaagasda iti Sinait District Hospital.

Madama ti inbestigasion no ania ti napilidan ti motorsiklo a bimtak.#