Footer

Tunggal Lunes, maangay ti flag ceremony ditoy a barangay

BANAYOYO, Ilocos Sur. Maang-angay tunggal Lunes ti flag raising ceremony a pakipartisiparan amin nga opisial ken agtakem iti Barangay Casilagan Norte ditoy nga ili.

Kinuna ni Kapitana Erlinda Pangamdaman nga agmulta iti P100 ti siasino man a barangay kagawad, tanod, barangay health workers, ken dadduma pay nga adda takemna iti barangay a di makaatendar iti flag raising ceremony.

“Maikkat ti multada iti honorariumda no saanda a mabayadan a sigida,” kinuna ni Pangamdaman.

Ni Pangamdaman pay ti agdama nga ABC president ti Banayoyo.

Sakbay a nagbalin ni Pangamdaman a barangay captain ti Casilagan Norte,  namitlo daras a nagtakem a dadaulo ti Maharlika Village, Taguig City.#

Comments are closed.