Footer

Candon City, Kasiglatan iti 2011

VIGAN CITY – Napili a Kasiglatan iti 2010 ti Siudad ti Candon kalpasan nga inyalatna ti kaaduan a bilang dagiti awards iti Salisal Iladawanna Gaget ti Lumugar, Agsaknap ti Timpuyog (SIGLAT) Awards, impakaammo ti SIGLAT committee.

Tallo a major awards ti inyalat Candon City a pakairamanan ti Best Performing Barangay nga inabak ti Barangay Calaoa-an ken  Best Agricultural Practices ken Safest and Most Peaceful Barangay nga inabak ti Barangay San Andres  idinto a siam a minor awards ti inawat ti siudad babaen ti Barangay Calaoa-an (Outstanding Sangguniang Barangay, Most Functional Barangay Disaster Risk Reduction and Management Council ken Most Functional Barangay Anti-Drug Abuse Council); Tamurong Segundo (Most Outstanding Sangguniang Kabataan ken Best in Sports and Physical Development Program);  Metro Paypayad Cooperative, Barangay Paypayad (Outstanding Barangay Based Cooperative); Barangay Tablac (Best Managed Day Care Center); Barangay Palacapac (Best in Organic Farming Program Implementation); Barangay Bagani Campo (Outstanding Barangay Tanod).

Maikadua a puesto ti Cabugao babaen ti lima a major awards babaen ti pannakapili ti Barangay Pug-os (Most Child Friendly Barangay ken Best Innovative Practice); Barangay Dardarat (Best in Coastal Management ken Best in Fish Production and Aquaculture Development); Barangay Bonifacio (Best in Nutrition Program Implementation), tallo a minor awards babaen ti Barangay Pug-os (Best in Intensive Gardening, Best in Gender and Development Program Implementation ken Best Barangay Herbary), ken maysa nga individual award babaen ken ni Barangay Nutrition Scholar Macrina Saturno a napili kas Best Nutrition Scholar.

Maikatlo a puesto ti Sta. Cruz a nakagun-od iti maysa a major award babaen ti Barangay Banay (Cleanest and Greenest Barangay) ken tallo a minor awards babaen ti Barangay Pidpid (Most Functional Botika ng Barangay); Barangay Gabur Norte (Best in Persons with Disability Program Implementation); Fish Searchers Sta. Cruz Association Inc., Barangay Pilar (Outstanding Fishermen Association).

Maikapat a puesto ti ili a Gregorio del Pilar babaen ti maysa a major ken maysa a minor award babaen ti Barangay Concepcion (Best in Culture and Arts) ken Barangay Poblacion Norte (Best Barangay Tree Park).

Dagitoy met dagiti dadduma pay a barangay a napili nga umawat iti pammadayaw:

Nalasin, Sto. Domingo (Most Healthy Barangay); Pudoc, San Vicente (Best Managed Elementary School in the Barangay); Cabugao, Suyo (Best in Solid Waste Management); Suysuyan, Lidlidda (Outstanding Farmers Association); R.I.C., Balidlid, Salcedo (Best Performing  Non-Government Organization); Maynganay Norte, Sta. Maria (Best in Tourism Promotion); Magsaysay, Tagudin (Best in Elderly Program Implementation).

Inyalat met ni Hercula Diaz ti Outstanding Barangay Health Worker Award ken Anita T. Castillo ti Paras, Sto. Domingo kas Outstanding Barangay Day Care Worker.

Mapadayawan dagiti nangabak inton Pebrero 3, bayat ti selebrasion ti maikapat a Kannawidan Ylocos Festival.#

Comments are closed.