Footer

Sangaili, natakawan iti plasa

VIGAN CITY – Natakawan ti maysa a sangaili iti mismo a plasa ditoy siudad idi rabii ti Enero 24.

Nainaganan ti biktima a ni Bon Ryan Parilla y Casino, 16, baro, residente iti Barangay Paing, Bantay, Ilocos Sur idinto a nabigbig ti suspek a ni Jon Jon Pagaoa y Ibea, 17, baro, out-of-school youth, residente iti Escribano St., Barangay IV ditoy siudad.

Iti inbestigasion ti polis, agpapatang da Parilla ken dagiti kakaduana iti Plaza Salcedo, Barangay I ditoy siudad idi mapapati nga immasideg ti biktima nga adda iggemna a patadem ken dadduma a kakaduana ket dinisnog ti suspek ni Parilla sana inagaw ti kallugong daytoy ken ti L1130 Nokia touch screen a selponna sa naglibas ken ti bunggoyna iti amianan a direksion.

Sinapul dagiti polis ti suspek ken kakaduana ngem saanda a nabirokan ida.#

Comments are closed.