Footer

9 mabigbig annak ti Ilocos Sur, pinadayawan ti gobierno probinsial

VIGAN CITY – Siam a mabigbig nga Ilocos Surian ti pinadayawan ti gobierno probinsial idi Pebrero 4 kas panangbigbigna iti panagballigi dagitoy iti agduduma a tay-ak.

Naited ti pammadayaw a Fr. Jose Burgos Awards, ti kangatuan a pammadayaw a maipaay kadagiti annak ti probinsia bayat ti maikalima nga aldaw ti Kannawidan Ylocos Festival 2011.

Naiyawat ti tropeo kada Cirilo Lao (business), DPWH Sec. Rogelio Lazo Singson (engineering and construction), Atty. Emil Jurado (journalism), Dr. Leocadio Sebastian (agriculture and research), Grace Urbien Salvatus (academe), Gen. Diomedio Villanueva (ret.) (military services), Clemencia Parde (food processing industry), Mary Ann Armovit (music), ken Finance Sec. Cesar Purisima, (public accountancy).

Kinuna ni Vice Gov. Deogracias Victor “DV” Savellano a ti nadakamat nga award ti kangatuan a pammigbig nga ipaay ti gobierno probinsial kadagiti taga-Ilocos Sur a maipagpannakkel ti probinsia.

Nupay kaadduanen kadagiti awardees ti agnaed iti sabali a lugar, agsublida nga agsubli iti nakayanakanda a daga gapu iti daytoy a pammadayaw, innayon ni Savellano.

Daytoy ti maikapaten a tawen a mabigbig dagiti achievers a taga-Ilocos Sur sipud impasa ti sangguniang panlalawigan ti resolusion a mangpadayaw kadagiti illustrious sons and daughters ti probinsia tunggal Kannawidan Ylocos Festival.# 

Comments are closed.